1. რა არის The Trading Paper

ეს არის შენი პირადი საინვესტიციო დღიური გაზეთის ფორმით. ყველა ბროკერის ანგარიში ერთ ადგილას გაქვს, ციფრები ავტომატურად ითვლება, ბაზრის ამბები ქართულად იკითხება, თვის ბოლოს კი შენი თვის გაზეთი იწერება.

ჩვენ არ ვართ ბროკერი. შენს ფულთან და ბანკის ანგარიშთან წვდომა არ გვაქვს: ციფრებს შენ შეიყვან ან სქრინშოტიდან ამოიკითხება. ეს არ არის ფინანსური რჩევა, გადაწყვეტილებას შენ იღებ.

2. რეგისტრაცია და შესვლა

• დარეგისტრირდი ელფოსტით ან Google-ით. უფასო პაკეტი სამუდამოდ უფასოა.
• რეგისტრაციის შემდეგ Portfolio AI (შენი პროფილი) გაჩვენებს „პირველ ნაბიჯებს“: რა დაგრჩა გასაკეთებელი. მოკლე ინსტრუქციაც იქვეა: 1 წუთიანი ინსტრუქცია.
• იგივე ანგარიშით შედიხარ ტელეფონის აპშიც. რასაც ერთგან დაამატებ, მეორეგანაც გამოჩნდება.
• პაროლი დაგავიწყდა? შესვლის გვერდზე აირჩიე „პაროლის აღდგენა“ და ბმული ელფოსტაზე მოგივა.

3. ბროკერები (წიგნები)

თითო ბროკერი ან ბანკი არის ერთი წიგნი. რამდენიც გინდა, იმდენი დაამატე. ყოველ წიგნს აქვს საკუთარი ვალუტა, ოპერაციები და შედეგი.

• რედაქტორი → წიგნები: დამატება, სახელის შეცვლა, დახურვა.
• დახურული წიგნი არ იშლება: მისი შედეგი (მოგებაც და ზარალიც) ისტორიაში რჩება.
• უკვე გაქვს ცხრილი (Yahoo Finance, Google Sheets, ბროკერის ექსპორტი)? გამოიყენე „ცხრილის ჩასმა“. სათაურებით ჩასვამ, მაგ. Symbol, Quantity, Purchase Price.

4. ოპერაციების შეყვანა

ყიდვა, გაყიდვა, ჩარიცხვა, გამოტანა, დივიდენდი, საკომისიო. ყველაფერი რედაქტორში იწერება, სამი გზით:

ა) სქრინშოტი, AI ამოიკითხავს

გადაიღე ბროკერის აპის ეკრანი და ჩააგდე რედაქტორში, ან ტელეფონით პირდაპირ გადაუღე. AI ამოიკითხავს ტიკერს, რაოდენობას, ფასს, საკომისიოს და თარიღს. ერთად რამდენიმე სურათიც შეიძლება. მუქი ეკრანიც და TBC-ის სიებიც იკითხება.

არაფერი იწერება შენი დასტურის გარეშე. ჯერ შედეგს გაჩვენებს, არასწორს იქვე ასწორებ, მერე ინახავ.

ბ) მოკლე განმარტება

სქრინშოტს შეგიძლია ერთი წინადადება დაურთო, ან მარტო ის დაწერო. მაგალითად: „BOG-ში ჩავრიცხე $50 და ვიყიდე SNDK“ ან „TBC-ში შევიტანე 200 დოლარი 24 ოქტ“. ასეთი განმარტება AI-ის გარეშე იკითხება და ლიმიტში არ ითვლება.

გ) ხელით

ხელით დამატების ფორმა: აირჩიე წიგნი და ოპერაციის ტიპი, შეიყვანე თარიღი, ტიკერი, რაოდენობა, ფასი და საკომისიო. ტიკერის ველი ჯერ შენს პოზიციებს გთავაზობს, მერე ბაზარს.

როგორ ითვლება

• ჩარიცხვა ზრდის შენატანსაც და ღირებულებასაც თანაბრად, ამიტომ მოგება/ზარალი არ იცვლება.
• გადატანა ერთი წიგნიდან მეორეში ჯამურ შენატანს არ ცვლის.
• საკომისიო ყოველ ოპერაციაზე იწერება და ჯამში ჩანს „საკომისიოების“ გვერდზე.
• დივიდენდი იწერება წმინდა თანხით (საქართველოში დაკავება 30%; განაკვეთს პარამეტრებში შეცვლი).
• რეალიზებული შედეგი გაყიდვისას საშუალო ფასით ითვლება, საკომისიოების ჩათვლით.

5. ჩემი კაბინეტი

კაბინეტი შენი პორტფელის სრული სურათია:

• შეჯამება: მთლიანი ღირებულება, მოგება/ზარალი ($ და %), დღის ცვლილება, გადახდილი საკომისიოები.
• „მთა“: ღირებულება შენატანთან შედარებით, დღიდან დღემდე; ხაზი ან სანთლები, დიაპაზონები, ფილტრი წიგნის მიხედვით.
• წიგნები: თითოეულის შედეგი და დღის P/L; ნაღდი ფული ცალკე რიგად ჩანს.
• აქციაზე დაჭერით იხსნება ბარათი: შენი პოზიცია, წილი პორტფელში, ცოცხალი ფასი (pre-market და after-hours-ის ჩათვლით), 52 კვირის დიაპაზონი, დივიდენდი წელიწადში.
• ტაბები: აქტივები · ისტორია · გამოცემები.

ზარალი ყოველთვის ჩანს ისე, როგორც არის. ჩვენ ცუდ ციფრს არ ვმალავთ და არ ვალამაზებთ.

6. ანგარიშები

7. ბაზარი, სიახლეები, შეტყობინებები

• მთავარი: მსოფლიო ბაზრის ამბები (აშშ, ევროპა, აზია, ცენტრალური ბანკები, ნედლეული, კრიპტო, საქართველო).
• ბაზარი: ცოცხალი ინდექსები, ბაზრის რუკა, სიახლეები.
• რას მივყვე: ერთი ძებნით ირჩევ მოვლენებს, თემებსა და ტიკერებს. შენი აქციები უკვე ჩართულია.
• შეტყობინებები: რა ხდება შენს აქციებზე: შედეგების თარიღები, დივიდენდები, ფედი, მნიშვნელოვანი მოძრაობები. ახალი ამბის დროს მენიუში ნიშანი გამოჩნდება.

8. Paperbot და AI ასისტენტი

Paperbot არის ბუშტი ყველა გვერდის კუთხეში. ის შენს ციფრებს კითხულობს და მოკლე შენიშვნებს გიწერს: რა შეიცვალა, სად ხარ მოგებაში ან ზარალში, რა დივიდენდი გელოდება.

• ჰკითხე ჩვეულებრივი ენით: „დღეს რა მოხდა?“, „რამდენი ვიშოვე ამ თვეში?“, „რამდენ დივიდენდს ველი წელიწადში?“
• სწრაფი ღილაკები: მთლიანი, ლიდერები, ბოლო ოპერაციები, დივიდენდები, საკომისიოები, განაწილება.
• AI-ის კითხვების რაოდენობა პაკეტზეა დამოკიდებული (იხ. პაკეტები).

Paperbot-ის შენიშვნები შენი ციფრებიდანაა, ეს არ არის რჩევა ყიდვაზე ან გაყიდვაზე.

9. თვის გაზეთი

თვის გაზეთი შენი თვის მიმოხილვაა: რა მოხდა პორტფელში, ლიდერები და ჩამორჩენილები, თვის გაკვეთილი, ბოლოს კი ყველა ოპერაცია და ფულის მოძრაობა.

• დაბეჭდე ან შეინახე PDF-ად: ⚙ პარამეტრები → „ამობეჭდვა / PDF“ (A4 ფორმატი).
• თუ თანხმობას ჩართავ, შენი ანგარიში საერთო ანონიმურ სტატისტიკაშიც ჩაითვლება. იქ მხოლოდ ჯამები ჩანს, მინიმუმ 10 ადამიანზე (დაწვრილებით).

10. პაკეტები

პორტფელი, კაბინეტი, ბაზარი, დივიდენდები და შეტყობინებები ყველა პაკეტშია. ფასიანი პაკეტები ერთმანეთისგან AI-ის რაოდენობით განსხვავდება. ლიმიტები ქვემოთ პირდაპირ სისტემიდან იკითხება, AI ზუსტად ამ ციფრებს ამოწმებს.

პაკეტს ირჩევ ან ცვლი აქ: პარამეტრები → გამოწერა. გაუქმება ნებისმიერ დროს შეგიძლია.

11. პარამეტრები

⚙ პარამეტრებში ნახავ:

• პროფილი, ელფოსტა და პაროლი.
• გარეგნობა და ენა: ნათელი ან ბნელი თემა, ქართული ან ინგლისური.
• შეტყობინებები: რომელ მოვლენებზე გინდა შეტყობინება.
• ვალუტა და გადასახადი: რომელ ვალუტაში გამოჩნდეს ჯამები, დივიდენდის დაკავების %.
• ფასები: თუ ტიკერს ფასი არ აქვს (მაგ. ადგილობრივი ობლიგაცია), ხელით მიუთითებ.
• კონფიდენციალურობა: ანონიმური სტატისტიკის ჩართვა ან გამორთვა.
• მონაცემები და ანგარიში: შენი ჩანაწერების გადმოწერა, ანგარიშის წაშლა.

12. უსაფრთხოება

• ბანკის ან ბროკერის პაროლს არასოდეს ვითხოვთ. თუ ვინმე ჩვენი სახელით მოგთხოვს, ეს თაღლითობაა.
• შენს ციფრებს მხოლოდ შენ ხედავ: ბაზაში ყოველი ადამიანი მხოლოდ საკუთარ ჩანაწერებს ხედავს.
• სქრინშოტები ამოცნობის შემდეგ არ ინახება.
• დაწვრილებით: კონფიდენციალურობის პოლიტიკა · მომსახურების წესები.

13. ხშირი კითხვები